Hla thu
Aw, lei leh van, tuifinriat Lal,
Fakna leh ropuina chang la;
Engtin nge Nang, kan hmangaihna
Kan entir ang?
Thal ni eng mawi leh boruakten,
I hmangaih an hril, par, rah nen;
Rah sengna turah Nang i tel,
Engkim hlantu.
Chhungkaw muanna leh damna ni,
Lei malsawmna tinreng vangin;
Fak, lawmthu hrilh che kan bat hi,
Engkim hlantu.
I fa mal neih pawh i zuah lo,
Khawvel sual tan i rawn pe zawk;
I Duhtaka leh thil zawng zawng;
Engkim hlantu.
Thlarau thilpek hlu chu i pe,
Nunna, chakna leh hmangaihna;
A khawngaih sawi sen rual loh nen,
Min vur kim vek.
Thlarau tlanna, sual ngaihdamna,
Khawngaih leh van kan chan vang hian,
Kan Pa, fakna kan hlan a che,
Engkim hlantu.