Hla thu
Chatuan hla mawi chu ngai r'u,
Vana lo chhuak chu;
"Kan Pathian chungnung berah
Ropui rawh se."
Pathian rorelna enga,
Angel leh mi thianghlim zaiin,
An tingtangin an fak a,
'Lalber,' tiin.
Hnehna hla ring chu ngai r'u,
Khawvelah a thang;
Tuifinriat fawn vel angin
Lawm hla an sa.
Khawvel hmun tawp thleng pawhin,
'Haleluia! Kan Lalpa chu,
Ropui takin awm rawh se,'
Tiin an zai.
Van mite u, fak rawh u,
Pathum infin chu-
Pathian leh a Fapa leh
Thlarau Thianghlim,
Kumkhuain an danglam lo,
Chatuanin mi tlanchhuahte chuan
Amah an chawimawi fova,
'Lalber,' tiin.