Hla thu
Chatuan pialral hmangaihna ram,
Lungngaih chhumpuite kianna ramah;
Ka chhandamtun min la hruai ang,
He khawvel ni a ral hunah.
Hmangaih ramtiam thleng ila aw,
Ka thlakhlelh, ka lungduh leh hmangaih zawngte,
Kim loh ka hlau khawpui mawiah,
Laitual kimten leng ang i maw?
Buaina leh hrehawmna reng reng,
Kan tuar tawh lawng hmangaihna ramah;
Zalen takin lungduhte nen,
Hmangaih thianghlim par kan tlan ang.
Kristaa muhil tawhte nen,
Chutah hlim takin kan intawk ang;
Khawvel hi zawng kan ngai tawh lo’ng,
Hrehawmna leh lungngaihna ram.
Beramno ṭhutthleng aṭang chuan,
Nunna tui damten a luang cham del;
Lawmna thlifim leng vel kar a’n,
Laitual kimten leng ang i maw?