Hla thu
Chung khuanuleng ruat sain,
Inneihna a lo awm;
Kan unauten lungrualin,
Chu dan chu an lo zawm.
Mal tin sawmtu, Chung Pathianin,
Vengin hual zel se;
Hlim leh lawm leh lungruala,
Kumtluanga rawng inbawla,
Hmangaihnaa insuih chu,
Lo nghet zual zel rawh se.
Lungduh dar ang intawngin,
Pumkhatah an insiam;
Nawm leh hrehawm hun pawha,
Tang dunah an intiam.
Lungngaihna inhnem tawn leh
Hlim nia nui dunin;
A siam remtu Pathianin,
Hualhim zel fo rawh se.