Hla thu
Dam chhungin kan Tlantu zarah,
Lawmin inkhawm rih mah ila,
Tapin kan lo inthen leh thin;
Aw, ka ngai then lohna ram khi.
Chhandamtu hmun buatsaihah chuan,
He leia inthen hnute hi,
Chatuan lalthuthleng din hualin,
Aw eng tik nge kan inkhawm ang?
A lang e, Kalvari tlangah,
I thlir ang then loh ram chu;
Kan lenna tlangte dang mah se,
Rinnain aw, i leng hmun ang.
Au zel ila kan Lalpa chauh,
Khawhar, riangvai min hnemtuan;
Amah lo min hnem an awm lo,
A tawi e, lei lawmnate zawng.
He khawvelah pawh hian aman,
A hmangaihna thla zar hnuaiah,
Lawmin min la hruai khawm leh ang,
Tapin inthen rih mah ila.