Hla thu
Dam lai thlipui a ral hun chuan,
Ropuiin kan intawk ang;
Thawnthu hlui hmangaihna chanchin chu,
Lalpa hnenah kan hrilh ang.
Hmangaih ramah, hmangaihna ramah,
Kan Pa ram nuam engthawlna hmunah chuan;
Chutah kan intawk ang, lawmin kan intawk ang,
Ropuiin lallukhum kan khum ang.
Nunna thing daihlim nuam takah chuan,
Ropuiin kan intawk ang;
Kan Tlantu ropui chu kan fak ang,
Hmangaiha min hruaitu chu.
Lalthuthleng var ropui din hualin,
Ropuiin kan intawk ang;
Chhandamtu pawl hun chu ka nghakhlel,
Tlanna hla mawi an sa e.
Chatuan lawmna eng zam velah chuan,
Ropuiin kan intawk ang;
Kan khawvel nunna hi chhuahsanin,
Hmangaihte hmel kan hmu ang.
Kan khawvel nunna hi chhuahsanin,
Ropuiin kan intawk ang;
Hmangaihte hmel duhawm kan hmuhin,
Khawvel nun kan ngai tawh lo'ng.