Hla thu
Enna tlang chhipa awm zawngte,
Kristian sipai tho r’u;
Zan thim a her chhuah hma ngei hian,
Ral do turin pen r’u;
Kan kianga hmelma hneh turin,
Kan chakna ui lo vang;
Rin hi hnehna a ni si a,
Khawvel ngam theihna chu.
Rin hi hnehna a ni, rin hi hnehna a ni;
Aw hnehna ropui ber chu,
Khawvel hneh a ngamtu.
Kiltinah hmelma sipaite,
Min do tur an pungkhawm;
Dawngdahna puanin kalsanin,
Hma lam i pan ang u;
Chhandama lukhum khum ila,
Thudik kawnghren hrengin;
Kan thawmah lei hi a nghing ang,
Hmelmate an zam ang.
Hnehtu apiangte hnenah chuan,
Puan var pek a ni ang;
Van angel rualte hmaah chuan,
A hming ṭan a ni ang;
enna tlang chhip aṭang hianin,
Hmangaihna mei alh se;
Isua Krista hming hlu ber hian,
Thim ral kan ngam ngei ang.