Hla thu
Grinland vur ram atang te,
India tiauphovan pawh,
Afrik ram pik mite leh
Ram dang tam takah pawh;
Lui lian kama mi chengten,
Thingthlang leh phaiah pawh,
Chhanchhuaktua'n min ko ve,
An ram sual phuar ata.
Silon thliarkar nuam chungah
thlifim tha a lo tleh;
Thlir lam apiang a mawi a,
Mihring erawh an sual;
Pathian thilpek chhiar sen loh
Vura an lo awm hi;
Mahse, Pathian hre lovin,
Thing, lung bul an be si.
Keini, Chanchin tha hre si,
Enna hmu tate hian,
Catuan nunna eng thu hi,
An hriat kan phal lo'm ni?
Chhandamna! Aw chhandamna,
Tlangaupui zel ula:
Ram tin, Kil tina miten,
Messia an hriat hma chuan.
Thlifim, thlipui zawng zawngten,
He Chanchin len ula;
Tui luangte u, chhandam aw,
Hruai r'u, darh vel zel se;
Beramno mi sual tana
Thi kha lo thlen hma chuan,
Tlantu, Rorel, Lalbera-
Tanin lo bei rawh u.