Harhin tho r’u lawm hla mawi nen

Harhin tho r’u lawm hla mawi nen, Hlim takin i zai ang u; Lei lungngaihna kalsan ula, Fakna sang berin fak r’u. Lalpan min veng min hruai fova, Lungduh kan intawk leh ta; I fak ang hmangaihin min hruai, Lalpa Isua ke bulah. Zai rawh u, zai rawh u, Hlimna leh lawmna hlain, Zai rawh u, zai rawh u, Jubili hla sain. Lawmna hla sain zai rawh u, He ni lawmawm tak ah hian; Lalpa chu fak r’u, Hosanna! A tlan sate kan ni e; Chhandamtu ropui chawi mawiin, Kan thinlung van lam hawi se; Kan thupui ber hmangaih tlanna, Chanchin chuai ngai lo kha. Kan fak che, kan Pa thianghlim ber, I ngilneihna avang hian; Kan thinlungah lawmna hla nen, I hmaah kan lo kun e. Kan fak che Chhandamtu duh tak, Min tlan tawh I thisenin; Thlarau Thianghlim, min hruai ang che, Pathian hnen min thlen ang che.