Hla thu
Hmangaihna hrui vuanin,
Thinlung hmun khat puin;
Kristian kan lo insuih khawm hi,
Van lam tih dan a ni.
Kan Pa thutphah hmaah,
Lungruala kan inkhawm;
Kan tum, kan beisei a luang za,
Lawmin kan lo khat hlawm.
Lungngaihna kan intawm,
Ritphurh inchhawk tawnin;
Chutin Lalpa dan kan lo zawm,
Thlarau malsawm changin.
Kan lo inthen darh hian,
Thinlung zawng a na ngei;
Mahse, kan tum van nuamah khian,
Intawh leh kan beisei.