Isua ka tan engkim a ni

Isua ka tan engkim a ni, Ka nun, ka hlimna ber; Amah lo chuan ka lo chau vang, Nitina ka chakna ; Lungngaih laiin Amah ka bel, Amah lo min hnem an awm lo; Mangan laia min tihlimtu Ṭhian a ni. Isua ka tan engkim a ni, Mangana min puitu; Ka mamawh tinreng min pe ṭhin, Min enkawlin min veng; Ruah leh ni engte min pe a, Ei tur mim, thei, thlai, buhte nen; Thil ṭha zawng zawng min pe ṭhintu Ṭhian a ni. Isua ka tan engkim a ni, Atan rinawm ka duh; Hetianga ka ṭhian rinawm hi, Engnge ka phatsan ang? A mah zuiin ka bo lo vang, Chhun zanin Aman min veng ṭhin; Chhun leh zana ka zui fo ṭhin Ṭhian a ni. Isua ka tan engkim a ni, Ṭhian dang ka ngai lo ve; Amah chu ka ring, tunah leh Lei nun hun tawp thlengin; Amah zuiin nun a mawi a, Ṭhian duhawm tak chatuan thlengin; Nunna leh lawmna kim petu Ṭhian a ni.