Ka Chhandamtu’n min hruai zel ṭhin

Ka Chhandamtu’n min hruai zel ṭhin, Chu bak dil tur ka ni em? A khawngaihna rinhlelh rual loh, Dam chhung zawng min hruaitu chu. Amaha rinnaa awmin, Van muanna chu ka dawng ṭhin. Ka hmaah eng pawh lo thleng se, Isuan min ṭanpui zel ṭhin, Ka hmaah eng pawh lo thleng se, Isuan min ṭanpui zel ṭhin. Ka Chhandamtu’n min hruai zel ṭhin, Ka kawng a tihlimawm ṭhin; Harsatna tin renga chakna, Nunna chhangin min chawm ṭhin; Ka thlarau a tuihal changin, Ka ke pen, chauh lai pawhin. Ka hmaah lungpuia luang chhuak, Lawmna tuikhur ka hmu ṭhin, Ka hmaah lungpuia luang chhuak, Lawmna tuikhur ka hmu ṭhin. Ka Chhandamtu’n min hruai zel ṭhin, A hmangaih famkimna chu! Vana ka Pa in nuamah chuan Chawlhna famkim chu min tiam; Nun tawp lova ka thawh hun chuan, Chu ni lawmin ka thlawk ang, Isuan min hruai zel ṭhin tih hi, Ka chatuan hla a ni ang Isuan min hruai zel ṭhin tih hi, Ka chatuan hla a ni ang.