Hla thu
Kei misual ber min tlanna turin
Van Lal fapa sual reng nei lo;
Ka thih aia thih tuar turin,
An hruai ta maw kulh pawn lamah.
Kalvari tlang lam an pan pui ta,
Ka sual leh khawvel sualte phurin;
Ka sual zawng zawng aia tuarin,
A riang lua e, ka Lal Krista chu.
Kei zawng misual ka ni, Lalpa,
Ka sualnate atam lua e;
Mahse ka boral phal lovin,
Ka thih ai maw i lo thih le?
Mi sual bum hmang leh bawlhhlawh ber,
Chhanchhuak turin i lo kal le;
Nangma zara chatuan nunna,
Ka chang ta, a va ropui em!
Lalpa, Ka nunna tlawm tak hi,
I ke bulah ka rawn hlan e;
Ka theihna zawng i ta ni se,
I duh angin min hmang ang che.