Khawvelah hian kei zawng hlimna reng ka nei lo

Khawvelah hian kei zawng hlimna reng ka nei lo, Ka nunna leh ka neih zawng hi Rei lo te atan chauh mai a ni; Mahse, Isua ka rin vangin hlimin ka zai, Muanna ka chhar ta. Hlimna ka nei, muanna ka chhar ta, Khawvelah a ni lo; Kan Lal Isua hnenah hlimin ka zai, Haleluia. Khawvelah hian kei zawng phurrit phur ka lo ni, Ka duham leh nawmsakna hian Min lo tihrehawm chauh mai a ni; Tunah erawh Kalvariah ka phur ka nghat, Hlimin ka zai ta. Khawvelah hian kei zawng hrehawm tuar mah ila, Ka hmaah khian chatuan In nuam Lalpan min pek chu a awm ka hria; A rei lo’ng e, ka thlen hun tur, chu hmun panin, Hlimin ka zai ta. Engah nge i mangan, engah nge i lungngaih? I thinlung chhung tilawm turin A ko mek che, hmangaih aw nemin; I phurrit chu Amah pe la, aw lo kal rawh, Hlimin i zai ang.