Hla thu
Lalpa rawng bawl zel turin,
Theihna reng ka nei si lo;
A khawngaihna mai lochu,
Chhuan tur reng engmah ka nei lo.
Khawngaihna rawngbawl zel hi,
Ka tlin avang a ni lo;
Khawngaihna vang zawk a ni,
Tling lo ber Lalpa’n min ko hi.
Khawngaihna rawngbawl hna hi,
Khawngaihna rawngbawl hna hi;
Lawm chungin i thawk zel ang u aw,
Lal Isuan min hruai dawn si.
Khawngaihna rawngbawl hna hi,
Hmangaihna hre lo tute’n,
Mahni felna hmachhuan in,
Dan angin Lalpa rawng an bawl.
Khawngaihna hretute chuan,
Khawngaihna chanchin tha hi;
Mite hnenah hril zelin,
Lawm chungin Lalpa rawng an bawl.
Kan sum leh pai leh taksa,
Kan finna leh thiamna te;
Khawngaiha min pawm saktu,
Lawm chungin Lalpa i hlan ang.