Hla thu
Lalpan Zionah a rel,
Lei leh van hlim rawh se;
Khawngaihna lalṭhutthleng hmaah,
Lo kal r’u hlim takin;
Zion Lalpan ro a rel,
A fak hla thangkhawk se;
Lei lalte pawhin ṭhingṭhiin
An ropuina hlan se.
Lalpan Zionah a rel,
Amah tluk tunge awm?
Lei chhungril pawh a kuta mi,
Tuifinriat ro a rel;
A hming zahin chawimawi r’u,
A ropuina fawn se;
Tui thuk piah thliarkara chengte,
Chhandam an nih hma zawng.
Lalpan Zionah a rel,
Hun hi a ta a ni;
A biak in hung chhungah lut r’u,
Fakna hlain khat se;
A lalna puanzar hnuaiah
Thil siam zawng lo kun se;
Lei leh van Lalpa chawimawiin,
Lallukhum khumtir r’u.