Hla thu
Mal taka huan ka fan laiin,
Zan daifim rose par a’n la awmin
Chutah aw ri bengin a lo hre ta,
Pathian Fapa lo niin.
Ani’n min kalpui, kan inkawm dun a;
A ta ka nih thu min hrilh a;
Chu hmuna hlimna kan inhlan dun ngei chu,
Tuman an la hre ngai lo.
A ṭawngkam chhuak leh aw mawi chu,
Sirvaten hriain zai lai an chawl;
A aw ri chu thinlungah a cham reng;
Pathian Fapa aw ngei chu.
Thimin min rawn nang dawn mahse,
A hnen awm ka duh chu huanah chuan;
Mahse thlahna thu min hlan ta zawk a,
Ka ngai bang lo A aw chu.