Hla thu
Nang lo chu Lalpa, belh tur an awm lo,
Lei lawmna ral leh mai tur hi;
Min hip leh thin ka nun,
Chatuan boralna panin.
Lalpa nang chauh ka laina i ni,
Thlamuanna dang a awm lo, ka tan;
Ka rawn pan che, Lalpa,
Mi sual riangvai min lo pawm rawh.
Nang lo chu Lalpa, belh tur an awm lo,
Lei hlimna ka zawn fote hian;
Min lo hnem lo ka nun,
Khawhar thlaphan beidawnna.
Nang lo chu Lalpa, belh tur an awm lo,
Khawvel hipna ata Lalpa;
Min zirtir rawh ka nun,
Chatuan Lalram nun dan khi.
Nang lo chu Lalpa, belh tur an awm lo,
Nun hlimna reng a awm lo leia’n;
Min thlamuan rawh ka nun,
Muanna ram min thlirtir rawh.