Nang Pathian hlauhawm tak Lalin ro i rel

Nang, Pathian hlauhawm tak, Lalin ro i rel, Thlipui i tlangau, kawlphe i khandaih; Chung lam atangin i zahngaihna entir la, Aw Lalpa, inremna min pe ang che. Engkimtithei Pathian, phuba la theitu, Hmuh lohva vengtu, hriat lohva rorel; Tunlai hlauhawmnaah min tiboral suh la, Aw Lalpa, inremna min pe ang che. Zahngaitheitu Pathian, Khawvelin i thu An kalsan a, Nang thinur suh langin; Nang, mi thianghlimin fel lohna i phal thei lo, Aw Lalpa, inremna min pe ang che. Nang, Pathian fing kim tak, felna i awmtir, Khawvel thim ata i ram i entir ang; Tin, lei vela i faten lawmna an hril ang, Aw Lalpa, inremna min pe ang che.