Hla thu
Ngai r'u, kohna aw chuan,
"Tu nge kal chhuak ang;
Ka rawngbawlna zawnga,
Hnial zel turin?
Tu nge ral donaah,
Ka puanzar keng ang?
Pathian leh a thutak
Tana bei turin?"
Isuan puanzar hnuaiah,
Sipaite a hruai;
A thutak chu hmang a,
Khawvel ngam turin.
Pathian chakna hmang r'u,
In hneh vek thlengin;
Setana ho dovin,
Ralthuam kim la r'u;
Thutak thianghlim atan,
A dik apiang chu;
Pathian tan do turin,
Insuih khawm ang u.
Ngai teh, an thawm ri leh
Ral dona hla chu,
'Kan hruaitu kan Pathian,
Ropui ber rawh se,'
Ram tin kil tina mi,
Rilru hmun khatin;
Ral do tura pen rual,
An thawm ri ngai r'u.