Ram leh in tam tak, Ka Pain a nei

Ram leh in tam tak, Ka Pain a nei, Lei hausakna zawng pawh a kutah a awm; Lunghlu mawi, rangkachak leh tangkaruate’n A robawm a khat, chhiarsen rual a ni lo. Lalber fa ka ni a, Lalber fa ngei chu, Min Tlantu Isua nen Lalber fa ka ni a. Mihring chhandamtu, Pathian Fapa chu, Hmanah rethei berin leiah A vakvai; Tunah erawh vanah, misual tan A ding, A lo kal hunah, in nuam tak min pe ang. Hmanah chuan mikhual, vakvai mai niin, Misual nih thlang zawktu, hmelmaa lo piang chu; A fa atan min nei, ka hming chu ziakin, Lallukhum leh in rochuntu ka lo ni. Puan in leh in tlawm, pawi ka ti love, Ka tan in ropui a buatsaih vanah khian; In chu hlat mah ila, ka zai zel ang a, Lalber ka fa ni, Pathian ropui rawh se.