Ram ropui chu ka thlen hunin

Ram ropui chu ka thlen hunin, A hausakna ka ta ni se; Ka buaina zawng zawng a bovang, Ka chatuan In ka thlen hun chuan. Aw nang Pialral, ram lawmawm chu, I tlang sanga ka chuan hun chuan, Lalpain min buatsaih sak chu, Luipui mawi piahah chuan a lang, A mawina chu ka thlir ning lo, Ka van in, ka chatuan in nuam. Ka Chhandamtun min lo hmuak ang, A hmel lawmawm ka hmu fovang; A hmangaih kutin min hruai ang, Ka chatuan In nuam pan turin. Chuta Nunna Thing kungah chuan, Lawmna pangpar a par fova; Chu pangpar chu a chuai ngai lo, Nunna tui luanna hmunah chuan. Lawmna thlifim a tleh fovang, Van ṭingṭang ri mawi ka hria ang; Puan ropui sin angel varte, An chatuan hla ka sakpui ang.