Hla thu
Thlamuanna lawmawm chu,
Ka thinlungah a thang;
Tunah chatuan hmun nuam lam chu,
Tun hma aiin ka hnaih.
Ka chatuan in, ka chatuan in,
Vawiinah ka Pa awmna ram,
Tun hma aiin ka hnaih.
Ka pa in chu ka hnaih
Ka tana buatsaih chu;
Lal thutthleng leh nunna tuifim,
Tun hma aiin ka hnaih.
Nunna ram chu ka hnaih,
Hahchawlhna hmun nuam chu;
Lei hrehawmna ka chhuahsan dawn,
Lallukhum chang turin.
Thihna lui kamah chuan,
Ka kiangah lo ding la;
Min hruai la chatuan hmunah chuan,
Lungngaih tuar tawh lovin.