Hla thu
Tunah hnehin leh ngam zel turin,
Lalpan a theihna hmangin;
A sipai huaite chu a hruai zel a,
Ral tukna hmun lamah chuan.
Ralthuam famkima inthuamin,
Hma an sawn zel e, en r'u;
An hruaitu hming fak chung zelin,
Lawm takin an au rual e.
Ral hlauhawm chu tu nge ngam thei ang'
Mi chak tan a ni chuang lo;
Mi felte leh rinawmte tan,
Hnehna thu tiam sa a ni.
Tunah hnehin leh ngam zel turin,
Lalber mak hi tu nge ni?
A sipai zawng zawng a hruai apiangten.
Engtikah nge an fak tawk?
Kan Lalpa leh kan Tlantu hi,
Chhandamtu, Lalber a ni,
A ram thianghlimah van arsi
Angin an eng kumkhua ang.
Tunah hnehin leh ngam zel turiin,
Roreltu Lalber i ni;
Lei lalthutthleng leh an ropuinate,
An zain an boral ang.
Sipai huai leh a tawp thleng a
Rinawma dingte chuanin,
An doral an hneh hun chuanin,
Chawlhna hlu an chang tawh ang.