Hla thu
Unau duh tak te u, rualin i tho vang u,
Kan Pathian ral kapho i tanpui ang u;
Kan ram tichhe theitu, dan sual min timangtu,
Tireh tur leh ngam turin i bei ang u.
Chungnungbera hnenah i lam zel fo vang u,
Kan Pa vana mi hnenah i ngen ang u;
Kan ram timawi lotu sual tinreng lo bang se,
Kan hnam zinga tlute lo ding leh rawh se.
Sualin kan ram a kang, kum tinin a ei zo,
Hremhmunah kan zing ata mi an kal fo;
Khawvela awm chhungin sual vangin an rethei,
An chhungah Pathian thinur a awm reng e.
Kan rama rannung leh mihring nghaisatute,
Tihduhdah, hnehchhiahna ram tinah bang se;
Kan ram thianghlimna tur, kan rilru kan siam e,
Sualnate lo tlawm se, thatna lo sang se.