Hla thu
Varparh Arsi, Chhandamtu lalna ramah khian,
Lei lungngaih buaina, hrehawm zawng nen;
Dam lai chhumpui hi a zing tawh lo'ng,
Tapin kan inthen tawh lo vang.
Lili par leh ropuina eng zam vel;
Beramno leh a tlan sate lenna;
Van kawtthler leh angel var nen,
Hmuh ka chak em e.
Thlir teh ropuina hmun han thleng tate chuanin,
Fak nan ri mawi ropui chu an rem;
Leia an lenrualten thlir mah se,
Ngaiin an kir leh tawh lo vang.
Zing thla puin van Jerusalem thar mawiah
Aw, an leng e, chu ram mawiah chuan;
Ka lung min len e, an hmel eng chuan,
Ka thinlungah a cham reng e.
Chung van rial rumna piah Lalpa chenna ramah,
Ni eng leh khawnvar a ngai tawh lo'ng,
Zan thim lungngaihna a awm tawh lo'ng,
Beramno chu a eng reng e.